我只喜歡黃生由橫版龍虎門時期至白蓮教時期內佢嘅所有作品，也包括咗初期嘅如來神掌同醉拳在內，我認為這段時期係佢嘅顛峯！
黄玉郎嘅公仔，人體比例同公仔嘅身體動作、變化同運用，係全行至高，無人能及。所以佢畫武打動作漫畫就係至強，招式至靈活、動感至强至正！所以佢這段時期嘅作品就係我收藏嘅目標。
而係橫版公仔書嘅年代，大量書種都係出得幾期就無故失踪或摺埋，可以出到幾十期書嘅，真係屈指可數，龍虎門新傳就係其中之一啦。龍虎門新傳唔係全部出自黃玉郎手筆，期後都係由張萬有接手，但係唔詳細分啦，我都將這套書歸納為黃玉郎，全因為佢個名、佢個"龍虎門"招牌，龍虎門新傳才得以畫到幾十期。
龍虎門新傳全套1-46期完
啲相映到麻麻，不過今次主要係寫篇嘢，介紹套書反而是其次。
好多封面都好正，反而比正牌龍虎門封面更少見，值得欣賞！
整套"新傳"係衆橫版書之中唔算難揾，但係現在要齊一套又唔係咁易，而且一本都唔平咯。想睇返最簡單係買套"新傳"合訂本咯，全套8本。
出咗好多次港漫，都係時候出返两期日漫啦，下期預告：日漫經典
有無海豹叢書先
回覆刪除[版主回覆08/15/2011 14:20:00]請留意下兩回嘅"日漫經典"，海豹叢書必在其中
好認同,畫武打動作漫畫就係黃玉郎最強
回覆刪除[版主回覆08/15/2011 14:25:00]無錯啦，係以前公仔書畫面還未有咁多變化、咁多特效、又識飛天遁地之前，黃生嘅公仔係純以動作同變化多端嘅招式吸引讀者，確立同形成咗香港連環圖嘅特色！
复刻版我尚欠最後一册。而我八十年代中已找不到新传，近年见到，可惜太贵。直版新传与《野狼传》合二为一，各有封面，这情形极少见。
回覆刪除[版主回覆08/15/2011 14:26:00]後期直版新傳+野狼傳雙封面，好似係當時首創吧。
龍虎門新傳即係而家嘅新著龍虎門，由頭畫過。我記得，大約龍虎門四百期，玉郎宣佈再次將以前期數重畫，接續到當時的期數，目的係統一畫風，後來又不了了之＞＜
回覆刪除[版主回覆08/16/2011 12:39:00]龍虎門嘅故事，己經成千多期，打到識飛，再拖落去都無新意，之不過，新著都係唔够舊嘅好睇
新傳內容正顯出了萬有的潛力~~就油麻地十三龍一段已不只精彩百倍了!!!!!
回覆刪除[版主回覆08/17/2011 19:17:00]但直到現在，得幾期、爛尾嘅就唔少，屬於他個人的代表作，真係數唔出有邊套，新傳、野狼傳都己經係N年前。對於佢，無一套完整長篇一些嘅個人代表作，就真係幾可惜！
這些舊封面真令人懷念！
回覆刪除[版主回覆08/18/2011 09:14:00]每次睇見好有親切感
這套龍虎門新傳....少時賣了成套比人....之後出黎做嘢又買番...搞笑！
回覆刪除[版主回覆04/04/2013 09:13:00]依家舊書檔都冇小流氓了
[歡迎闖進虫網回覆04/04/2013 01:57:31]...人人如此啦. 好似追番一D小流氓, 都要去舊書檔自己'尋寶'
[版主回覆08/18/2011 09:22:00]我重惨！細個無知丟晒好多好嘢，好多到依家都"執"唔返啦
张万有真的让很多人掉眼睛！就好像很多好戏的演员一生都拿不到影帝或影后奖般!
回覆刪除"龙虎门新傳"合訂本\是彩色的还是黑白的？
[歡迎闖進虫網回覆04/04/2013 01:56:18]所以是綠葉的一眾, 時也; 命也!
[版主回覆08/25/2011 23:35:00]两款都係彩色版。