上官小强。壽星仔 part 1

在尖沙咀漫畫星光大道有一尊塑像"壽星仔"，可能未必太多外界朋友識原作者上官小强！
論廣泛知名度，上官小强一定唔及王澤、馬榮成、黃玉郎、王司馬，甚至比唔上邱福龍、劉雲傑、李志清、温日良，但小强憑一套"壽星仔"從70年代一路畫到80年代90年代.....最近再將"壽星仔"延續到都市日報,及又在近期嘅漫畫之中連載，咁多年來都只靠畫一套書同角色、而且由70年代畫到今時今日還有執筆嘅漫畫家，香港漫畫界恐怕只有上官小强可以做到！係名符其實嘅"壽星仔"！
而港漫之中能夠經歷橫版時代再到直版書時代而完整完結超過500期嘅大長篇連環圖，除了龍虎門李小龍之外，就只得這套"壽星仔"！

"壽星仔"全套551本，1-91期為橫度書，92-551期為直度書。同時我將"壽星仔"列入港漫五大橫版之一，"壽星仔"1-91期橫版嘅收藏難度，在港漫5大橫版系列之中排行第2，而咁耐以來在下亦從未聽過或見過有人可以儲得齊全套551本"壽星仔"的！即使在下是超級上官小强+壽星仔粉絲，亦還尚欠約20本才能集齊大全套，所以這套書集齊嘅難度是超5星級的！

雖然在下尚欠約20本，但都會照post全部封面，尚欠嘅20本若日後尋回，將會在本篇內補回圖片！而這套書有500多本，所以會分為5至6  part貼出，頭兩part為橫版壽星仔，其後各part為直版，各part不會連續貼出，會分期post出。今次第一part先貼出1-20期，大家一齊黎重温這套7、80年代三套經典長篇香港連環圖之一"壽星仔"嘅至得意懷舊封面......

王司馬。狄保士

今篇同下一篇，會介紹兩套大家非常熟識嘅漫畫家嘅作品，但是是從沒有blog友登出過或全套登出過的，因為這兩套都唔係容易可以集得齊套嘅漫畫書。
王司馬，60年代初前輩級知名漫畫家，王司馬擅長畫輕鬆小品、諷刺時弊、幽默低死，生於60後70後80後嘅港人，以至大中華地區、東南亞星馬地區嘅朋友，相信就算唔識王司馬每日在明報連載嘅"牛仔"，也該睇過金庸小說入面王司馬插圖，所以佢一定較其他本港早中期漫畫家更有廣泛嘅知名度！
作為牛仔、狄保士、金庸小說插圖原畫家嘅王司馬，佢嘅漫畫會係更加深入民心深入家庭！
不過王司馬早於1983年己經身故，佢所傳世作品不太多，牛仔係成名作，但相比之下，今次介紹這套"狄保士"更有珍藏價值，因為除了比較冷門，也只出過這一套而沒有再版或復刻過。狄保士全套20本，由博益1983年結集出版，屬於以低死幽默方式批審時弊、冷眼看世界，而好多嘅圖畫放諸在多年後嘅今天，看來一樣有共嗚，完全不覺得老套落後。大家就一起來欣賞一下王司馬式嘅幽默吧.....

第200篇，千奇百怪的香港漫畫

不經不覺程BLOG己經來到第200篇！以一個百份百純漫畫BLOG來說，200篇己是不算低嘅數字，而自第1篇到199篇止，這裡共約貼出350套書，包括總共約2532本漫畫封面(這數字還未包括約十篇朋友的收藏)，相信再過多100篇之後，必定會刷新成為最高紀錄！
但回看現今嘅BLOG網功能一而再被削弱，無論人氣和瀏覽量皆每况愈下，漫畫BLOG更加係可以以"慘淡凋零"來形容，大家都去晒FACEBOOK，一些早期較興旺嘅漫畫BLOG都相繼"停運"，目前還只僅餘得幾個還有持續更新或是斷續更新嘅漫畫BLOG在經營着。
亦參考過一些較早前嘅漫畫分享介紹BLOG，發覺至多到300篇己是絕大多數漫畫BLOG嘅極限，不過在下估計及點算本BLOG將所要介紹嘅書是遠遠超過300篇，所以照目前情况來睇，除非YAHOO  BLOG被取消、或是特別意外、又或是本BLOG損壞至不能復原，否則還是會以約每隔兩至三天更新一篇嘅速度維持至好長嘅時間！
前200篇嘅總結，寫BLOG就有如儲書一樣，須要有耐性、不放棄、緩慢有序咁樣POST出每一篇集結而成為一個全面性嘅專題漫畫BLOG，接住往後嘅篇幅，更多經典、有歷史、耐看、套裝、單本、罕有、冷門熱門、新與舊嘅港漫日漫都會陸續源源不絕貼上！

第200篇除了吹下水展望一下之外，今期主題千奇百怪的香港漫畫！喺好耐之前嘅香港漫畫種類真係多到難以形容，以一個得幾百萬人口嘅城市來說，是一項紀錄及奇蹟，除咗一些熱門、大路嘅中長篇漫畫以外，還出過大量短篇、三四期完嘅冷門漫畫，咁多年積聚下來，實在有好大量，唔知以下這些香港地道漫畫書，你有冇見過或擁有過呢？這些書因為我本人都不齊全，有些亦不知道有幾多期數，反正我都認為不可能再找到其他更多失散了的期數！但若閣下連以下這些"怪"極"冷"極漫畫都曾見過晒，並擁有齊全齊套，咁你必定係"漫畫字典"

周潤發、張國榮、狄龍。英雄本色---連偉

這本由"新藝城影業"1987年出版，連偉編繪"英雄本色"好明顯係藉電影大賣，出埋本漫畫。故事、劇情、人物素描都照足電影，值得一讚就係書內所畫嘅每一個人物都係對照返同真人非常神似，Mark哥周潤發、狄龍、張國榮等都活現於紙上，好少漫畫可以做到咁樣，因為模疑真人嘅漫畫好費時也有甚高嘅難度同技巧，對於一些當年勁鍾意"英雄本色"、喜歡發哥、龍哥、Leslie嘅朋友黎講，這本書係好值得留念。

李志清。三國誌、畫集、海報

李志清成為漫畫星光大道一員，主要是"三國誌"、"孫子兵法"名揚海外，所以說"三國誌"係佢最重要作品，應該沒錯了！
李志清這套"三國誌"也是港人唯一在日本定期出版嘅長篇漫畫，由桃園結義、三分天下，直到劉備死亡，共長達29本，而這類歷史性故事以黑白印刷精裝漫畫，有別於我哋睇開嘅正宗港漫式連環圖漫畫，可能唔太啱一批港漫讀者，但這類有趣味近似教材式歷史及人物漫畫，唔少家長唔介意小朋友拿來閱讀，而清兒又幾適合畫這類漫畫，所以隨後又寫了"孔子論語"、"水滸傳"、"孫子兵法"、"項羽劉邦"等等。
講返這套由李志清畫嘅"三国誌"，除這29本之外，尚有"三顧草廬"、"伏與龍"共三本，可以視為外傳！還有一本三國誌畫集，是回歸前1995年出版，由文化傳訊裝作，相當揼本，畫集除彩頁、插圖、人物設定定外，還附錄咗60頁嘅"赤璧之戰"。

司徒劍橋。萍踪俠影錄2、狼童

司徒劍橋兩套最早期單行本作品萍踪俠影錄、幻影迷離，之前在本blog己分別介紹過，只係兩套書都各欠一本，感覺未够完整，相隔多時之後，在下己經從各方處尋覓得齊集完整！趁今期補介紹返。
萍踪俠影錄為司徒劍橋第一套個人單行本，原本三本完結，但最終只出到第二期便無下文，但係因為這是他最早作品之一，所以這兩本還是相當有紀念價值的！
另一本狼童，是幻影迷離第六期書名，幻影迷離1-6期是與戰神同期出版的，是司徒劍橋第一套科幻神怪類單行本，亦是極度難齊集嘅一套司徒劍橋早期漫畫，而在第六期狼童書背預告還有第7期"魔女"，但似乎坊間再不見有這本書出現！應該6本就齊晒
萍踪俠影錄該是在幻影迷離之前出嘅作品，但是前者售價$3.5較後者$3貴，但睇返萍踪俠影錄該為彩色內文，幻影迷離為黑白，如此計幻影迷離書價較低係合理的，加埋幻影迷離內文畫功己比較萍踪俠影錄進步不少，所以萍踪是司徒劍橋最早單行本沒錯了！

漢民。賊王

在漢民橫版書時期之後，80年代初，有大約8本$1.5裝一期完直版書、5本中篇透明人、及22本漢民怪談系列，即共35本直版，之後才輪到出怪異集，所以在漢民橫度書之後嘅8本$1.5裝一期完直度書，都可以話係本本難求嘅漢民作品.....
當中一本就係本期介紹嘅"賊王"，這又是漢民作品之中最獨特嘅題材，以半傳記式敘述美國賊王阿瑟麥克連嘅事蹟，包括佢細個嘅經歷、成長、及犯案和被捕過程，就如封面所說：真人真事改編。咁另類題材嘅漫畫，喺港漫之中絕無僅有！配合漢民先生獨樹一格寫實嘅畫功技法和風格，睇漢民嘅作品就完全提升咗閱讀品味！

狄克、牛佬、吳文輝、倫裕國。夢天堂

香港連環圖之中嘅愛情漫畫、鬼故漫畫己經"絕種"，但係這兩類"絕種"題材嘅連環圖漫畫究竟絕跡之前最後出版是在什麽年份？最後出版嘅愛情港漫、鬼故港漫薄裝連環圖，究竟是哪幾套？？又或者己經冇讀者記者....冇人會在乎了
不過這套鬼故+愛情為主題嘅"夢天堂"，2007年中出版，係咪己經是這類漫畫嘅倒數或終結嘅一套呢？希望有朋友可以告知！
夢天堂，2007年中出版，全套4期完，主筆：狄克、牛佬、吳文輝、Tom  So、倫裕國，本書每期有三段故事，由狄克、Tom  So各編寫一段愛情故事，由牛佬、吳文輝、倫裕國輪流編寫一段鬼故。集愛情與鬼故於一齊嘅港漫己經好少見，而牛佬除咗最初出道係畫過一些鬼故之外，一直鮮有鬼故之作，所以若係鍾意睇狄克、牛佬、倫裕國作品嘅朋友，這套書冷門些少嘅書就不要錯過了！

上官小寶、戇男。大宗師

上官小寶、戇男合作嘅書己非第一次了，之前介紹咗一套"金魔鬼外傳"，今次"大宗師"又再合作嘅千禧年作品，故事都係講朝廷、王爺、太監、侍衛、俠士嘅江湖鬥爭武俠類漫畫，這類書讀者己看過太多，好難再有驚喜或突破，所以雖然預會出第二輯，但係就冇咗下文
大宗師全書有15期完，不過係要有16本才算得齊一套，因為第一期係有兩個不同版本，而內容是不同的，兩個版本分別各自畫咗兩位主角為主綫嘅故事發展，所以第一期係要集埋兩個版本架！



第一期兩個版本，內容不同....

里見 桂 作品 part 2

里見  桂，70年代末漫畫家，也擅畫科幻題材類漫畫，
里見  桂嘅漫畫，畫功、技巧、故事皆屬上佳之列，比之現今嘅日漫實在更有味道！若以其80年代初當時嘅漫畫水準、畫功及故事、畫面表達能力計，己經超出咗絕大部份港漫作品及主筆，不過在香港並無任何出版社出過佢嘅中文版漫畫，這些都係台灣版漫畫。雖然直到現時在香港嘅知名度不大，但是佢可以由70年代尾一直作畫到現在的，足証實力殊不簡單！
今期就介紹佢一些關於科幻、超能力嘅作品。