Google+ Followers

2013年10月31日 星期四

漢民、倪匡。衛斯理傳奇之透明人

一個是漫畫界鬼故大師,一個是科幻小說大師,構成了這套科幻小說改編漫畫<<透明人>>!
在下只看過少數的倪匡先生科幻小說,這部是其中一本,也是一部很精釆構思、令人印像深刻的一個故事。改編成漫畫就叫<<透明人>>,1983年出版,全套5本,是漢民先生個人最長篇科幻故事作品,
這套漫畫亦是唯一一套在"玉郎"時期至今從未被復刻的直版漢民作品,加上5本難齊,又是倪匡小說改編漫畫,種種因素,所以便能成為漢民作品之中最罕貴的一套直版漫畫!

故事大概是講有人從埃及獲得小盒子,打開後內藏的奇石會發出"透明光",接觸到的人會變成"骷髏人"再變為"透明人",但成為"透明人"心理漸變傾向自毀,主角為解救己變"骷髏人"的朋友,親身深入埃及古廟及金字塔內尋找解救之法......

2013年10月24日 星期四

我們的漫畫年代/ 程blog YAHOO版 完結篇

香港的漫畫時代,從60年代70年代80年代90年代至2000年,見証大半個世紀香港漫畫興衰,一路陪伴着大家成長,今日我哋生活未必再須要"漫畫",但那些年,無數漫畫家、美術同業及創作人所付出的無限精力、心血同努力所繪畫創作出千千萬萬種漫畫,所交織而成的漫畫世界,就曾是我同你嘅美好漫畫年代,屬於我們的漫畫年代!


2013年10月20日 星期日

張萬有。野狼傳/程blog YAHOO版完結前篇

<<野狼傳>>是一套極早期直版港漫之一,是80年代創作,81年結集為單行本,最初與<<龍虎門新傳>>聯合出版,採用雙封面,是首套也幾乎是唯一一套這麽做法的港漫,到<<野狼傳>>第8期,<<龍虎門新傳>>完結,<<野狼傳>>就接住出單行本,直至21、22完結!

另外,在YB寫近300篇,趁完結之前,怎都該寫個"完結篇"吧!
直至目前,其實大部份有寫blog的blog友己經搬遷或己離開這裡,在下己留守到最後倒數階段,但唔會在最後進入唯讀前一刻才離開,咁樣非一個好方法!
程blog會在限期前三至四天打包離開,因為我唔可以肯定須要花多少天時間才能將近300篇完全滙入新blog之內,亦唔肯定當中會有多少文字、圖片會流失(只肯定所有私人回复及回應留言都會消失!),更甚是恐防打包滙入狀況不能控制、也不確定當新舊blog新舊post結合之後有冇混亂情況發生,基於以上種種情況,本blog就須提早幾天打包,可望還有執漏、填補圖片嘅機會!
新blog方面;目前雖己post十多篇、測試性質發帖,還未算是正式進駐,好多功能還在摸索中,貼圖功能、發貼功能滿意,較yahoo  blog快捷、聯系功能滿意,但瀏覽量及人氣偏低;這是因為1,舊blog友四散,2,大陸不能瀏覽此網站,3,IE9以上才能支援瀏覽此網頁,則起碼再有10-20%人次不能進入瀏覽此網站!
另外特別一提,新blog因原屬台灣網站,所面對不單止是台灣,亦有外國的blog友進入瀏覽,所以可以發覺,程blog在近期出post己經改變了以往口語化、通俗一些的書寫方式,沿用回正統一些的書寫文化,以方便不同地區朋友都可以看得明白及暢通!
新blog除了照舊介紹全漫畫之外,亦將會加入新的項目,是一項必定受大家歡迎、極之吸引的項目,到時留意新blog就會清楚!同時因應本次yahoo  blog事件,將會有一項相應有關"程 blog"的重大措施公布,新項目及新措施將會於新blog運作一排之後公布!



Helloween之夜,老夫子之猛鬼廟(兩個封面版本)

<<猛鬼廟>>、<<狐狸仙>>、<<古老村>>是老夫子作品之中三大一期完長篇故事,<<古老村>>己在舊blog介紹過了,今期趁西方鬼節Helloween登出這本<<猛鬼廟>>應應節!我這裡擁有兩個不同封面版本,分別為賣$4及賣$6時期合訂本,而據我所知還有至少一到兩個不同封面的<<猛鬼廟>>版本!
西方鬼節"哈囉喂"是着重扮鬼扮馬的氣氛,而老夫子<<猛鬼廟>>故事則講某村落有不法之徒扮鬼嚇村民,企圖呃他們捐錢重修舊廟撿財,陰謀被老夫子揭發,爆發一段人、"鬼"爭遂戰,當然過程中笑料百出!

2013年10月17日 星期四

戇男。太空戰士(夢幻戰士)

今次介紹返套近期冷門書,太空戰士係一班漫畫人自組"雄心"公司第一部作品,戇男主篇,1999年出版,屬於電玩類港漫,不知道是否因版權問題,第二期開始就改名為"夢幻戰士",先不計故事,其實論製作、內文同畫面都OK喎,如果繼續出,在下都有興趣繼續睇,但可惜又是只有短短幾回,我這裡只有1至5期,但未有完結,相信亦差不多了,唔知有冇朋友知道出過第6期未呢?

有關新舊blog風格問題,有朋友會發覺在這裡登出的是正宗港漫連環圖,而在新blog就是一些其他風格的非正宗港漫連環圖,是好多唔同嘅漫畫類別,其實是在下一直刻意分開的,趁這個機會多post一些其他類型漫畫作品,這個情况當兩blog二合為一時就會轉變過來!
搬遷臨近,本blog尚餘兩到三篇就會完結,請留意YAHOO版嘅完結篇


七劍漫畫。徐克

這部漫畫乃源自徐克<<七劍>>電影,並由中港日本等地七位漫畫家各自繪畫一"劍"故事而集合成為"七劍"漫畫!
身為漫畫迷徐克,亦為<<七劍>>設計人物造型及故事場景,所以有大量徐克手稿亦刋登於本畫集之內,約2005年出版!

2013年10月13日 星期日

上官小强。貓眼神童の挖心鬼

壽星仔之父上官小强70年代作品,小强此書是以70年代日本鬼故大師楳圖一雄創作嘅<<貓目小僧>>為覽本,模仿楳圖主角貓目小僧及楳圖畫風,貓眼童大戰挖心妖,故事算刺激緊凑,而作為上官小強楳圖一雄fans,這本更加會珍而重之!

有關新blog聯系功能:
在新GOOGLE  BLOG有一項聯系功能比較實用,就是可以將其他不同網絡網址加入自己blog內聯系,凡被加入"程blog"嘅網站,不論是哪個平台,只要被加入嘅網友發表新帖,只要我登入"程blog"之後就會按發帖時間先後排列出來,並可即時第一時間選擇進入瀏覽,這麼一來就唔會錯過網友嘅新帖,這項功能相當不錯!不過這功能不同嘅網站平台之間只能瀏覽,若沒有登入或註冊一樣不能發言的。另外測試新blog每日平均人流量暫時只及這裡的5份1至4份1,希望到時有改善吧!

有埋强哥簽名!


武俠梁祝。狄克

武俠梁祝漫畫彩圖版,是玉皇朝首次與美亞電影公司合作,將電影<<武俠梁祝>>故事,以彩圖、連環畫製作,再加大量電影圖輯,加上人氣偶像吳尊、阿Sa,都有吸引元素,全書厚達200頁,但訂價要$88卻是不便宜,一set附送埋記事簿、吳尊阿Sa  poster

2013年10月10日 星期四

上官小寶。與鬼同床

這本是上官小寶70年代舊鬼故作品,還以"上官思危"做筆名。
封面驚嚇,還號稱是全世界至得人驚鬼故漫畫!是只為吸引購買的誇張宣傳手法!
實際內容真是唔够恐怖!
故事講男主角失戀遇見從前女朋友,重燃愛火之際卻竟發現她己非活人,竟是與鬼同牀,驚嚇傷心之餘,跳崖徇情........




台灣時報阿推1986年科幻勁作:九命人

本書集科幻搞笑於一身,主筆是當時台灣時報漫畫編輯阿推,畫功亦相當唔錯。
故事發生在未來公元5678年,主角"蒙九戈"被外星人捉住做試驗,賜他有輪迴轉世能力,一共有九次機會,但係並非轉世做人,而是做其他物種.......
第二世他是做隻狗,跟住做了一部電腦、再做一棵樹、一張桌、還有做地獄之王......單講橋段己經够晒新奇,加上畫功及故事內容,此書絕對值得捧場!

2013年10月7日 星期一

漢民。誰是鬼?


今個月是西方鬼節哈囉喂,但牛鬼蛇神己一早出動,軀邪辟鬼,自然要介紹多些鬼書!
漢民大師作品,往往警世感人、充滿寓意與禪機,發人深省!
世間險惡、人鬼本應殊途,但有因緣際遇也會踫上,有時單睇表面是人是鬼好難分辨,或者人心惡比鬼還要恐怖!
本書當年睇時感覺真是極度恐怖,內容講美國兩個銀行劫匪逃走到一小鎮,遇上地震重傷,被送入當地一間醫院,怎知醫院竟用恐怖手術給兩人醫治,包括開腦劏肚.......
原來這個小鎮同醫院,在好多年前一場大地震中己湮沒入地底,今次在地震中發生了恐怖異象,令小鎮及醫院重回地面......

黄玉郎。獨臂小刀王之神刀斬三鬼

此乃黄玉郎70年代作品,獨臂小刀王,創作靈感應該係源於當時一套好熱武俠片<<獨臂刀>>,
當時黄玉郎還是以"黄玄生"為筆名,此書有多個版本,共8期,我這本為"恆星"版,有50多頁,每本可以作獨立看,亦可連續期數看。

備註:本BLOG瀏覽量己正式與YAHOO  BLOG結合,YAHOO  BLOG瀏覽總量將正式在本BLOG延續,謝謝

2013年10月4日 星期五

路遙知馬力、日久見人心終極篇-善惡到頭終有報!

本來我都算到此為止,但睇呢兩位人中敗類完全不知廉耻為何物,仲係度竄上跳下,你哋以為回复多啲、嘈啲,就可以曲變直呀?正人渣!你哋所謂嘅"証據",完全冇料到,連垃圾都不如!搞破壞就至叻!
各位,你哋跟這事件咁耐,都唔爭在用心跟埋我最後這一篇吧?同埋請一齊小心對併我貼上來的漫畫期數,一個大話精就徹底現形.........
alan,你有好多重書送俾我,我亦回咗好多你欠嘅書俾你,但係我仲幫你將重書擺上我blog,吸引大家交換,呢件事公開晒,睇開本blog嘅都會記得,你因這次行動前後間接直接得書數以幾百本計,我同你一早無拖無欠!
但係最後你喺呢件事上出賣、屈我做齊,至終還喺度死撐,我諗你點解要同丹下講只收得30本書咁少?諗深一層動機又好簡單,你想搏同情等佢揾多啲俾你補返差額,係咪?一方面又禁住佢唔好來質問我,呢件事如果大家唔講,就冇人會知,你以為佢喺澳門我喺香港隔咁遠,唔聯絡就冇事,可惜事與願違,丹下又唔生性、又想借此事乘機整死我,當然佢都始料不及你啲大話咁犀利又咁兒戲,但東窗事發,講大咗收唔返,你唯一辦法就係死撐屈我到底保名聲,
alan,我講得啱唔啱呀?雖不中亦不遠矣!相信現在冇人比我更了解你!
我同alan好好傾,因為大家儲漫畫種類、方向大致一樣,開始時接觸頻密,佢常話我倆藏書夾埋,可以有齊所有港漫8成數量,於是我有齊佢所有嘅欠書清單,佢係用手指過落我電腦,隔一輪就更新,我亦將我欠書影印一份俾佢,大家喺出面揾到對方書就可以先買或通知。


睇返丹下前兩日質問我50本壽星仔去咗邊?我揾返張書單(請放大第二幅相),係整整50本壽星仔,亦係丹下第一次寄書之列,而我明明記得只係要咗兩三本喎,咁其他幾十本壽星仔alan現在又唔認收咗,我諗起alan嘅欠書清單,我查到佢手指過落我電腦嘅欠書清單,係丹下寄書過來之後,最新update俾我嘅欠書清單.......
大家請一齊來小心放大、核對第三、第四幅相片,請核對alan嘅"壽星仔欠書清單"及丹下嘅"壽星仔"書單嘅40多本期數,己經完全不在alan嘅欠書清單之內,即係話個衰仔己經攞晒啲書updata晒啲欠書,但年半後仲屈我一本收唔到,其他嘢就唔駛多講啦啩,請大家自己核對下,你嘅欠書單資料同証據,仲留晒喺我電腦呀!邊位朋友想欣賞,留低email我免費send俾你哋睇!連同埋你喺網上講過嘅嘢、唔認嘅數,我全部儲存晒!
點呀?我够唔够証據?清唔清楚邊個係度講大話呀?


2013年10月2日 星期三

黎文峯。龍鷹浪子

龍鷹浪子是斯辰文化1985年出版,是講述兩個中、西方少年探險故事,龍就代表中國少年、鷹就代表美國少年,主角明顯是混合了成龍與李小龍型像,故事講兩位主角武術高強,去到一處神秘的"明王古墓"探險,遇上邪惡的大祭司伽農,爭奪有奇異力量的至寶"綠玉棒"。
本書以當年出咁多書種計,都己經係冷門之品,今日當然是更冷門。



冷門二毫子書仔part 5

6、70年代香港出了無數本32開本漫畫書,當中的畫家不勝枚舉,有唔少長篇連載的公仔書,但一期完的公仔書在市場佔的比例特別明顯,所以種類及題材特別多,以下的一些只係滄海一粟,各位可有印像?

 傻人福星