Google+ Followers

2013年9月29日 星期日

路遙知馬力、日久見人心!

在寫程blog之前,在下都冇乜人認識,在寫程blog之後,樹大招風,在下又認識到一班真係好斯文、平淡交心嘅blog友,當然亦漸隱若發覺一些不屑嘅目光,所以我曾在100篇或第200篇說到不能預測嘅阻滯!
但從第一篇至最近一篇,所有入黎留言嘅朋友都係和平、有德品嘅,至到近日雅虎blog要結束之際,有人卻按奈不住,乘機聯結踩場,好遺憾就係同是一班漫畫收藏者!
事源就是將一年半多前的換書事件!書是屬於一位相識嘅朋友alan,我亦曾對他推祟備至!相信睇開這blog嘅朋友都有印像吧!
無錯亦是我自己出主意及提議在我blog內刋登他多出重書吸引大家交換,也達到活躍blog文之效,本來就是雙贏,但至昨日我己感到非常之後悔,現在變成雙輸!而且變成了一個為自己而設計嘅陷阱!
alan,當日我應你要求帶丹下上我屋企"參觀",原來你哋果時己經如此不屑,還可以裝作若無其事笑騎騎,如此狡詐,城府及功力好高,原來在你丹下眼中我住得不如狗竇!
我依家終於明白,其實同你哋解釋咁多都係一廂情願多餘嘅!乘着在下搬blog忙時發難,最底內心存的是什麽居心?就想阻截我繼續寫落去,你哋表面為咗書、支援"朋友"為理由,實際內心就係上黎打壓,你倆計劃咁耐聯同班"隱姓"豬

朋狗友上來叫囂壯聲勢,我唔再寫落去,至叻至多書可以拎黎寫嘅咪係你倆個囉!
丹下段平:
要為朋友取公道,咪直接上黎話我食咗270本書咪得囉!何須年半後還花咁多精力和廢話大篇大篇?你咁耐以來可以不形於色,然後第一次見面就記下形容到我外型特來徵、然後屋企環境擺設、加埋你對我個blog長期以來一字一句一篇了

瞭如指掌、費盡心機,實在太有心!但抱歉我從來冇關注過你個blog,甚至忘記了你樣貌,我對你嘅印像只係肥佬頭一個!
alan:
從我導你儲鬼書開始,一發不可收拾,但我曾經認識嘅alan,唔係咁樣!丹下與我只見過一次,通訊不够十次,alan你居然可以將我嘅事,咁樣扭曲誇大講比人聽?!今日我見識到你真實嘅一面!不過你昨日向我數說某某、今日向別人

講我,好正常!
兩個星期前你還可以表面若無其事咁約我上我屋企,叫我搬晒啲橫版同少見書給你映相,我還傻到送套十多本手塚書俾你,原來你不動聲色揼我映橫版封面等你第日出橫版書大全,原來你己一早計量好今日聯同丹下來反我,你好嘢!我

低死!

既然你哋送上黎,我就再講多次:
第一,我對天發誓,如果alan真係只收到30本書而唔係200本以上,我明日出街俾車撞死,好唔好?
alan,你再講多一次,你喺整個換書過程,從頭到尾都只係收到30多本,係定唔係?你可同我發一樣誓言?

第二,我從來冇講過你要三換一這句說話!可能我在換書哪篇blog上寫過可以三換一,但從沒要你咁樣換過書,如果我有做保祐我絕子絕孫!够唔够?!

第三,在換書其間,我唔只一次將換到嘅書交俾你,但你一再强調只收過一次30幾本

最後,天網恢恢,我今早尋找我同alan嘅email留言,在慶幸尚未delete嘅寄件箱內,終於給我找到一次向他滙報換書內容,顯示到其中一次換書進度,當時幫他找到嘅書己超過80本



我己影到好大幅,按圖可以再放大吧

2013年9月26日 星期四

韋研、葉慶全、牛佬。夜總會

上期介紹過<<大飛哥>>,一不離二,再出多套江湖+歡場漫畫屬禁書書種<<夜總會>>
<<夜總會>>1998年出版全套共16期,套書己經標榜走江湖及歡場路線漫畫,只適合成人觀看的漫畫讀物!通常這類漫畫是屬於看完即棄、或收埋入牀底不再見光之物。
而對於收藏漫畫者來說,在下的經驗,這種"另類"港漫錯過之後,要找回儲齊一套的難度,比對找回一齊套熱門港漫難上十倍!
由於內裏真是不少意識大膽出位鏡頭及不雅關係,所以今次不會登出內文,只出封面。

打孖同時推出:GOOGLE  BLOG,我的漫畫時代:<<强勢>>,是集合大馬一班精英畫家及插畫家共同畫製,可以講每一頁每一頁每一格也是極度精心製作,以求達到富有電影感、具國際級水平的漫畫http://daaaer80.blogspot.hk/


許德勝。强勢

<<强勢>>是集合大馬一班精英畫家及插畫家共同畫製,可以講每一頁每一頁每一格也是極度精心製作,以求達到富有電影感、具國際級水平的漫畫,更加成為極少數進軍香港的大馬漫畫!
套書故事性較簡單薄弱,主要是在於"表演"畫功技巧為主,當然從畫的欣賞角度,套書是值得收藏及推介的!
<<强勢>>約1990年製作,除了原來的簿裝之外,就是四本完在香港出版的精裝版,全套製作時間共4年,即每本平均須1年製作時間,每本厚達200多頁,發行量每期約5000冊,但新書訂價四本共接近600蚊港幣,是否值得購買就見仁見智了!

故事大綱:在未來世界,一國際黑幫組織"虎",實行一項新世界秩序計劃,企圖統一世界的革命,旋風特警成員及世界一哥美國力圖阻止,最後紐約毁於"虎"組織策劃的核爆之中......

2013年9月23日 星期一

倫裕國、牛佬江湖漫畫。大飛哥

<<大飛哥>>是從<<古惑仔>>內角色人物"大飛"所分拆出來獨立出書,牛佬、倫裕國合作這類題材也是駕輕就熟。由於角色"大飛"由黄秋生飾演,所以大部份皆用他做封面,
套書1999年出版,只得短短12期完,不過裡面倫裕國就訪問了彭志銘、徐克、及"大飛"飾演者黄秋生等,統統都是獨家專訪,好多書都未必做得到!都算是近年不錯的冷門江湖書收藏!


太田慶文畫集之CRYSTAL、SWEETHEART

除了漫畫書以外,不同的畫集亦是非常值得欣賞和收藏的畫作作品!
太田慶文是日本極著名插畫家,擅用淡色水彩來繪畫少女及兒童,表情、形態神韻捕捉一絕,作品憩恬優雅閑適,他的著作遍植於日本中小學及幼稚園教科書內,也有不少歌星沿用作唱片封套。
80年代他的畫作在亞洲各地大熱,畫作被非法製作成掛畫、月曆、書簽不勝枚舉,你必定會在不同地方遇見過他的畫作!後來他的畫風亦成為好多畫家模仿對象!
他出過的個人畫集約於20-30多本之間,己經是一項絕不簡單紀錄,今次先介紹他其中SIZE最大的兩本畫集,以CRYSTAL、SWEETHEART為畫集書名,8開本書度,約88-89年出版,訂價1200円一本,即約120港幣,以當年物價折算,是超貴的訂價,不過以收藏價值角度衡量,卻是物超所值的!

2013年9月20日 星期五

周勝。霸王至尊

"霸王至尊",一套以江湖權力鬥爭為主的武打漫畫,以"霸王府"及"至尊堂"兩大江湖勢力對立關係而構成的書名"霸王至尊"!
"至尊堂"無極至尊與旗下三大堂主佈局和關係就如"風雲"中雄霸與風、雲、霜彼此既為主僕,又是勾心鬥角,而另一股勢力"冥嶽門"冥嶽黑煞與"鐵將縱橫"的赤煞王神似,加上周勝畫風是最近似邱福龍的,所以一眼望穿,套書就如"風雲"+"鐵將"混合體!
套書實在有太多馬榮成、邱福龍、黄玉郎的元素和影子,但各方面均不能超越三人,而江湖架構、人物、畫風又似曾相識,在此情况下,儘管套書製作水準唔錯,但該預料到套書壽命不會太長!
此書自稱是首套在新加坡發行的港漫,不過套書在香港只出到23期便告爛尾,不知新加坡方面出到第幾期?

打孖同時推出:GOOGLE  BLOG,我的漫畫時代,黄國興搞笑作品"新青山劍俠"  http://daaaer80.blogspot.hk/


黄國興。新青山劍俠

黄國興,外號黄興豬,乃70、80年代香港搞笑漫畫家,至今仍活躍於漫畫界,作品新一色以抵死搞笑為主,但個人作品不算多,多數為他人畫專欄插圖,
這套<<新青山劍俠>>乃食住<<新蜀山劍俠>>熱潮而畫,人物、劇情就改晒搞笑版,此故事原載於<<漫畫王>>,然後結集成單行本,共有三冊,1983年出版。

2013年9月17日 星期二

大衛兒。拳霸天下

這本書是blog友JIM兄想看,係大衛兒第一次寫武打故事、第一次香港漫畫中引入遊戲機對打內容、及第一本大衛兒個人作品!
全書厚達70頁,由"天龍圖書製作室"出版印刷,同之前本BLOG介紹的非賣品"回到正常"一樣是由"天龍"製作及出版。
本書分為"拳霸天下"及"拳霸天下"前傳兩部份,己經不能記得是何年出品,只知之後80年代就牽起過遊戲打書及街霸熱潮,而大衛兒就還在自由人出了一套"快打旋風",則這本便是"快打旋風"的前身了!

今期繼續在YAHOO及GOOGLE  BLOG連環同時推出,GOOGLE  BLOG,我的漫畫時代,倪匡原著,利志達。衛斯理傳奇之連鎖、茫點  http://daaaer80.blogspot.hk/


倪匡原著,利志達。衛斯理傳奇之連鎖、茫點

利志達的漫畫作品,在中港台日本等地均有出版,可以講沒有多少個香港漫畫家可以做到這麼全面的出版發售網絡,這當然要具備足够實力才可以做到的!
利志達很適合寫這類懸疑性題材,而倪匡的科幻小說配合利志達的漫畫,會是相當吸引的小說漫畫作品!
這套1988年出版的漫畫書更為本港公共圖書館所收藏,<<連鎖>>一書包括兩個故事,分別是<<連鎖>>及<<多了一個>>,
<<茫點>>一書內則包括了<<茫點>>、<<命運>>及<<規律>>三個故事,而其中<<命運>>就曾在1986年最先出過一期完港漫獨立薄裝版,此本<<命運>>獨立薄裝版在雅虎程BLOG第二篇己經介紹了!

2013年9月14日 星期六

漢民。謎

"謎"是雙贏兄想看的點播!"謎"是漢民繼橫版著作之後的約8本直版之一,較之後的漢民"怪談"及"怪異集"早期,鮮豔七彩的封面令人印像深刻!
漢民繼橫版鬼書之後,創作"怪異集"之前,有約35本作品,是為漢民直版,也是本BLOG所說的5大鬼書之一!
80年代,漢民直版、怪異集、猛鬼冤魂、靈周刋、怪談,是為5大鬼書,漢民直版收集難度,僅次於"怪異集"!
不過這本"謎"並非鬼書,只係怪異奇聞類,時代背景是漢民極擅長的古代日本,故事講大將軍有一位城中第一、天仙般女兒,不過旦凡見到她容貌的人都會神魂顛倒、甚至從此失踪,太田自意外見到大將軍女兒容貌後,深深被她美貌吸引,决定夜闖將軍府....."謎"底揭開,卻換來令人震驚的真相........



董培新金庸插圖畫集。董培新畫說金庸

這本畫集由金庸寫序、饒宗頤題字、劉天賜,陶傑寫推荐,如此强大卡士是不得不推荐的畫集收藏品!
插圖大師董培新,水墨人物技法風格獨特,經金庸先生邀請游說,重新再畫再塑造金庸筆下的武俠世界及意境。
這本畫集收錄了大量金庸小說插畫圖片,全部重新畫製,畫集厚達160頁,是金庸迷不容錯過的收藏品!

2013年9月11日 星期三

上官玉郎。少林正宗胡惠乾、通報程BLOG新地盤



這套書曾在"朋友的珍藏"中介紹過,但係缺少了8、13、14期三本,而有BLOG友想睇返這套直版封面,所以在下趁這最後階段還下人情債,POST埋自己嘅1-18期上黎,不過這套書之後還有幾本橫版在下就揾唔到了!
同時趁今日公佈埋在下嘅新地盤,己經出咗第一個POST,暫時是測試緊發帖功能及好多其他不知名功能,感覺係無雅虎BLOG咁簡單易用,功能亦無咁全面,而到此開BLOG有關漫畫嘅暫時亦只得在下一個!
選擇在此開帖測試原因,只是較為貼近雅虎BLOG版面及功能吧,亦不排除換地盤嘅可能性,在這兩個月內雅虎BLOG、同新Google  BLOG會同時運行同時發帖,內容唔會一樣架,所以各位要兩邊走下先,而新BLOG嘅回應、發問一欄,好似係唔須要登陸!
各位對於在下新BLOG有乜意見及改善地方,可以隨便提出
Google  BLOG,程BLOG、我的漫畫時代,第一篇測試版:王司馬。彩色牛仔,己經出咗啦!

程BLOG新地盤,我的漫畫時代   http://daaaer80.blogspot.hk/




2013年9月9日 星期一

王司馬。彩色牛仔

金庸小說嘅插圖漫畫家王司馬得意傑作就係"牛仔","牛仔"與爹地曾陪伴着我們一起成長,四格故事包含幽默輕鬆,温馨友愛,有笑有淚!而"牛仔"都出過唔同版本,除原著版"牛仔"之外,尚有出過這套一共5本嘅"彩色牛仔",1987年出版。

余均偉/力卡圖。鐵臂金剛

鐵臂金剛係力卡圖即余均偉編繪,係香港卡通大師胡樹濡成立嘅"希力文化"所出嘅頭炮書,就係這套"鐵臂金剛",當年成立之時,王澤都有到賀,"鐵臂金剛"故事乃近似成龍式純技擊寫實打鬥漫畫,但都要有好高嘅畫功先至畫到咁樣水準!
"鐵臂金剛"1984年出版內容好簡單,就係主角要報斷臂之仇,在下這裡有七期(有人話套書有9本),雖然都係爛尾,但係一套幾值得推荐收藏嘅優質漫畫!



2013年9月7日 星期六

利志達。拳威漫畫、水母

這本唔駛多介紹又係衛兄想點播啦,在最後階段,我都終於從櫃底摷咗出黎啦
拳威漫畫係一本綜合性漫畫,亦係綜合漫畫中嘅至冷品,共有4期,約係82年出,定價$2.5,之後改為"漫畫之家"(這本書之前己介紹過),利志達第一部個人作品"水母"即於此書內發表!不過放心,我睇過晒,只有這本第4期有利君作品咋
從作品所見,當時利君畫風"正常"同一般港漫無異!不過這雖然係利志達第一部個人作品,但並唔係佢第一幅刋登之作,還有更早期以讀者身份刋登作品,就留番在新地盤同大家介紹了!
"拳威漫畫"此書size亦好特別,比普通16開本港漫大,但又比8開本細一些!
以下係利志達"水母"全部故事(上集):

2013年9月5日 星期四

謝志榮、萬昇義、鄭吉平...。天戰

今期blog友點播嘅係"天戰",係由TVB電視廣播有限公司、翡翠圖書第一套亦是惟一一套中篇電視劇連環圖,1988年出版,全套18本完。
80年代連環圖好景,吸引最大電視台都想來分杯羮,不過製作班底名不經傳,加上當時市面太多選擇,這套書就變得好冷門,要過後再揾齊一套嘅機會都好困難,不過套書其實唔係太差,反而係少有嘅"武俠"味道港漫。
套書開頭主筆係萬昇義、鄭吉平、李明富、祝克勤等,過了幾期之後又加入了謝志榮。


2013年9月3日 星期二

上官小強、甘小文、利志達。壽星仔(完結篇)

501-551期係壽星仔漫畫最後歷程,作為見証港漫歲月中一套不可缺少、地位等同其他8大經典港漫嘅"壽星仔"可謂由頭至尾都咁精彩!
強哥除咗自己壽星仔嘅成功、創造咗港漫最長壽搞笑漫畫之外,最重要也給予咗一班助理、新人主筆大量實習同刋登機會,亦有大量有潛質高水準讀者投稿,這些都是其他港漫不能做到的!
在最後這一段"壽星仔"作品之中,上官小強之外、甘小文、利志達嘅作品亦有好多,而林祥焜鄧本邦大粒墨亦有刋載作品。
值得留意嘅係上官小強在這期間,仲有三套與其他筆合繪嘅作品連載,分別係:
市井壽之介,與小豆合繪
宇宙明王,與甘小文合繪
鐵血戰士,與大粒墨合繪



2013年9月1日 星期日

大衛兒。零時搜秘

接下來大約十篇,都是應各blog友曾經提出嘅要求而出post!所有都係blog友想重温嘅漫畫,亦只有這十篇為限冇時間再添加了!
同埋時間有限,每篇文字會精簡返,圖片唔會用太多,同時唔會有太長嘅評述。
有位blog友叫在下揾本大衛兒嘅零時搜秘俾佢,當然未曾揾到啦,惟有post住自己私伙出黎先!
大衛兒嘅"零時搜秘"係由鄭丹瑞嘅"友禾公司"1988年出版,何志文監製,本書乃由多位名人名明述說真實經歷,鄭丹端出面當然冇問題,再由大衛兒繪畫出故事,可以話係畫功同故事都兼備,雖然係神怪題材,但肯嚐試創新嘅手法。