Google+ Followers

2013年10月4日 星期五

路遙知馬力、日久見人心終極篇-善惡到頭終有報!

本來我都算到此為止,但睇呢兩位人中敗類完全不知廉耻為何物,仲係度竄上跳下,你哋以為回复多啲、嘈啲,就可以曲變直呀?正人渣!你哋所謂嘅"証據",完全冇料到,連垃圾都不如!搞破壞就至叻!
各位,你哋跟這事件咁耐,都唔爭在用心跟埋我最後這一篇吧?同埋請一齊小心對併我貼上來的漫畫期數,一個大話精就徹底現形.........
alan,你有好多重書送俾我,我亦回咗好多你欠嘅書俾你,但係我仲幫你將重書擺上我blog,吸引大家交換,呢件事公開晒,睇開本blog嘅都會記得,你因這次行動前後間接直接得書數以幾百本計,我同你一早無拖無欠!
但係最後你喺呢件事上出賣、屈我做齊,至終還喺度死撐,我諗你點解要同丹下講只收得30本書咁少?諗深一層動機又好簡單,你想搏同情等佢揾多啲俾你補返差額,係咪?一方面又禁住佢唔好來質問我,呢件事如果大家唔講,就冇人會知,你以為佢喺澳門我喺香港隔咁遠,唔聯絡就冇事,可惜事與願違,丹下又唔生性、又想借此事乘機整死我,當然佢都始料不及你啲大話咁犀利又咁兒戲,但東窗事發,講大咗收唔返,你唯一辦法就係死撐屈我到底保名聲,
alan,我講得啱唔啱呀?雖不中亦不遠矣!相信現在冇人比我更了解你!
我同alan好好傾,因為大家儲漫畫種類、方向大致一樣,開始時接觸頻密,佢常話我倆藏書夾埋,可以有齊所有港漫8成數量,於是我有齊佢所有嘅欠書清單,佢係用手指過落我電腦,隔一輪就更新,我亦將我欠書影印一份俾佢,大家喺出面揾到對方書就可以先買或通知。


睇返丹下前兩日質問我50本壽星仔去咗邊?我揾返張書單(請放大第二幅相),係整整50本壽星仔,亦係丹下第一次寄書之列,而我明明記得只係要咗兩三本喎,咁其他幾十本壽星仔alan現在又唔認收咗,我諗起alan嘅欠書清單,我查到佢手指過落我電腦嘅欠書清單,係丹下寄書過來之後,最新update俾我嘅欠書清單.......
大家請一齊來小心放大、核對第三、第四幅相片,請核對alan嘅"壽星仔欠書清單"及丹下嘅"壽星仔"書單嘅40多本期數,己經完全不在alan嘅欠書清單之內,即係話個衰仔己經攞晒啲書updata晒啲欠書,但年半後仲屈我一本收唔到,其他嘢就唔駛多講啦啩,請大家自己核對下,你嘅欠書單資料同証據,仲留晒喺我電腦呀!邊位朋友想欣賞,留低email我免費send俾你哋睇!連同埋你喺網上講過嘅嘢、唔認嘅數,我全部儲存晒!
點呀?我够唔够証據?清唔清楚邊個係度講大話呀?



呢個就係alan一向用手指copy落我電腦欠書清單!



丹下問有50本壽星仔係第一次寄書時alan收唔到喎.....


丹下揾嘅50本壽星仔,留意,這是我同alan欠書合單,因為同款書費事分單,而我攞咗我自己幾本,就全部alan嘅!


請大家放大核對第一、三、四三幅相,丹下幫alan揾嘅所有壽星仔欠書共約48本己在alan最新updata嘅欠書中删除咗,大話精同人講一本收唔到!



大話精今早又開始屈我將佢嘅書拎去賣!!!


証據確實係我自己喺網上100蚊買嘅!你條茂利屈上癮!

你己窮途末路邊緣,仲日日諗新鮮嘢屈我,最新傑作就屈我羅你本邪靈集去賣,你估本書淨係你有呀?又請大家睇清楚第五第六幅圖,本書明係我年幾两年前以$100  網上bid返黎,我用即購價即買,所以你唔知,所以你又黎屈我,你真係屈得就屈全無悔意,你係咪傻咗架?!
你為咗啲公仔書搞成咁樣,駛唔駛呀?
丹下、alan,最後贈你哋一句:善惡到頭終有報!我會放長雙眼睇!