Google+ Followers

2013年9月29日 星期日

路遙知馬力、日久見人心!

在寫程blog之前,在下都冇乜人認識,在寫程blog之後,樹大招風,在下又認識到一班真係好斯文、平淡交心嘅blog友,當然亦漸隱若發覺一些不屑嘅目光,所以我曾在100篇或第200篇說到不能預測嘅阻滯!
但從第一篇至最近一篇,所有入黎留言嘅朋友都係和平、有德品嘅,至到近日雅虎blog要結束之際,有人卻按奈不住,乘機聯結踩場,好遺憾就係同是一班漫畫收藏者!
事源就是將一年半多前的換書事件!書是屬於一位相識嘅朋友alan,我亦曾對他推祟備至!相信睇開這blog嘅朋友都有印像吧!
無錯亦是我自己出主意及提議在我blog內刋登他多出重書吸引大家交換,也達到活躍blog文之效,本來就是雙贏,但至昨日我己感到非常之後悔,現在變成雙輸!而且變成了一個為自己而設計嘅陷阱!
alan,當日我應你要求帶丹下上我屋企"參觀",原來你哋果時己經如此不屑,還可以裝作若無其事笑騎騎,如此狡詐,城府及功力好高,原來在你丹下眼中我住得不如狗竇!
我依家終於明白,其實同你哋解釋咁多都係一廂情願多餘嘅!乘着在下搬blog忙時發難,最底內心存的是什麽居心?就想阻截我繼續寫落去,你哋表面為咗書、支援"朋友"為理由,實際內心就係上黎打壓,你倆計劃咁耐聯同班"隱姓"豬

朋狗友上來叫囂壯聲勢,我唔再寫落去,至叻至多書可以拎黎寫嘅咪係你倆個囉!
丹下段平:
要為朋友取公道,咪直接上黎話我食咗270本書咪得囉!何須年半後還花咁多精力和廢話大篇大篇?你咁耐以來可以不形於色,然後第一次見面就記下形容到我外型特來徵、然後屋企環境擺設、加埋你對我個blog長期以來一字一句一篇了

瞭如指掌、費盡心機,實在太有心!但抱歉我從來冇關注過你個blog,甚至忘記了你樣貌,我對你嘅印像只係肥佬頭一個!
alan:
從我導你儲鬼書開始,一發不可收拾,但我曾經認識嘅alan,唔係咁樣!丹下與我只見過一次,通訊不够十次,alan你居然可以將我嘅事,咁樣扭曲誇大講比人聽?!今日我見識到你真實嘅一面!不過你昨日向我數說某某、今日向別人

講我,好正常!
兩個星期前你還可以表面若無其事咁約我上我屋企,叫我搬晒啲橫版同少見書給你映相,我還傻到送套十多本手塚書俾你,原來你不動聲色揼我映橫版封面等你第日出橫版書大全,原來你己一早計量好今日聯同丹下來反我,你好嘢!我

低死!

既然你哋送上黎,我就再講多次:
第一,我對天發誓,如果alan真係只收到30本書而唔係200本以上,我明日出街俾車撞死,好唔好?
alan,你再講多一次,你喺整個換書過程,從頭到尾都只係收到30多本,係定唔係?你可同我發一樣誓言?

第二,我從來冇講過你要三換一這句說話!可能我在換書哪篇blog上寫過可以三換一,但從沒要你咁樣換過書,如果我有做保祐我絕子絕孫!够唔够?!

第三,在換書其間,我唔只一次將換到嘅書交俾你,但你一再强調只收過一次30幾本

最後,天網恢恢,我今早尋找我同alan嘅email留言,在慶幸尚未delete嘅寄件箱內,終於給我找到一次向他滙報換書內容,顯示到其中一次換書進度,當時幫他找到嘅書己超過80本



我己影到好大幅,按圖可以再放大吧





1月個次email中我己講明係丹下嘅書,居然話我唔想俾你知???!



舊年5月中我喺丹下blog通知佢alan帶書過去,當中仲有我幫佢揾嘅欠書,請放大看!



alan、丹下段平:

冇錯!我要等嘅就係alan你嘅回覆了!你終於可以讓我好肯定咁讓同你講,從今之後我唔再認識你!
我email最後呢一篇俾你,就係要確實你係乜嘢人、因為我真係仲有少少唔信你係咁嘅人,因為你之前email咗一篇嘢俾我.....
係!當初我係感激你送書行為,先至設法想幫你揾返多啲欠書,所以先有換書行動,但係我依家覺得你行為太恐怖!
事實上亦都好肯定清楚咁話俾我知,你係一個絕對百份之二百嘅大話精,天知地知你知我知!"路遙知馬力、日久見人心!"這一篇題名,我實在是改得太精彩!
alan,我一而再、再而三咁俾機會你,唔相信你會係咁嘅人,但係你只有一而再咁証明你的確係咁樣嘅人!
你為咗一再証明我人格衰,你在bid書拍賣上又屈我收你錢,你就做出咗幼稚多餘嘅反擊行為,從我复你個段文字之中,大家一睇好明顯睇到我全無收你錢嘅意圖啦,如果我收咗你錢,我駛乜大大聲去反駁咁蠢,唔通咁傻又要俾機會你出黎反駁我?不如詐睇唔到好過,啱唔啱先?咁小事你都要屈我,其他嘢更加唔駛講啦!
既然係咁樣,我又可以繼續、踢爆揭穿你哋嘅真面目........

alan,睇過金田一未?不過你剩係睇港漫口,睇你倆個口不擇言例子好簡單,我放大第一幅相俾大家睇清啲,再睇返我俾丹下嘅留言,再核對下你哋講嘅嘢、再思考下我有冇邏輯同動機去存心騙你270本書!
從這第3幅相email俾alan聯絡中,清楚顯示出我講俾你聽這是丹下欠書,時間係舊年一月,如果我係騙你三換一、十換一,我就真係唔敢、亦唔會話你知係邊個欠書,等你去聯絡,不過你喺篇嘢度話我唔想俾你知丹下喎,驚你聯絡佢喎,於是就提醒咗我你哋破綻!
當然alan得知當中最大宗換書者是丹下,佢就私下同佢聯絡,暗交明交長達四個月,舊年5月中就親自帶埋成車丹下欠書過澳門揾佢,我俾埋部份幫佢俾到嘅書叫alan帶埋過去俾佢、我仲好開心咁喺丹下blog留言通知佢(見第4幅相),咁你哋估下我如果昆咗alan三換一、十換一、270本書,我會唔會咁做呢?
關鍵係我揾到呢封email先可以証見一切,否則一切都可以話我作出黎!關鍵係alan你一早delete咗個email、忘記咗有你講大話嘅証明。
邏輯好明顯:
第1:點解丹下唔話我俾少書佢、扣起佢啲書?點解丹下收到200本、alan收到得30幾本?唔通我大細超?因為丹下果邊同我有晒通訊紀錄,無得咁樣屈法!否則我仲大劑!!
第2:點解知道我扣起啲書,兩條友可以不動聲色達一年半先來質我?!點解來我家中作客仲咁好笑容?你冇話我知alan喺舊年5月過去揾你時、住你屋企幾晚你唔知我三換一、十換一得返30本俾佢呀?alan目的係去攞書、換書,冇理由唔講我同佢三換一、十換一呀?!
第3:到兩個星期前還到我家中映橫版書相,你email中還解釋仲當我朋友喎,咁點解依家又變晒樣呀?我對你咁衰你都仲當我朋友,咁點解我email俾你最後和解機會你唔要呀?
第4:alan,email中你提到今次丹下事前冇通知你、係佢一人意思,咁點解佢一上黎搗亂你又識得上黎呀?我一陣間發你個email上黎俾大家睇,你唔好又話我挑撥你哋喎,我不嬲講嘅都係事實,唔似得你咁鍾意作大,大話連篇!
第5:丹下,你嘅書單隨便公開俾大家睇,你呢啲幾蚊雞至20、30蚊嘅書我冇?又散散收收,我會吼?識我嘅朋友都知我買啲乜嘢書出啲乜嘢價,况且啲書多到冇地方擺咁滯,我攞你散收收重書煲醋呀?
第6:我性格就最唔鍾意受人恩惠、攞着數果隻,即使係少少都唔鍾意,所以先至幫alan搞換書行動,你哋各自因為這次行動直接間接獲取嘅書,何止2百?3百?丹下你去alan屋企執咗幾多袋返去?心照啦,而alan你又去澳門買咗幾千蚊、去執咗幾多百本返黎?跟住掉轉又點對我?

alan,平時冇嘢嘅時候我唔否認大家所見到嘅你係一個好傾得、好似好慷慨、成日週圍結識買賣書嘅朋友、成日幫襯別人,但係有啲嘢當講咗返唔轉頭、收唔返嘅時候,就一個大話接一個大話咁屈朋友。
咁多日以來你倆小丑嘅大戲己經做完,要講嘅亦開post俾你講完,開個場俾你哋玩咗咁耐,如果你哋認為己經抹黑咗我,就當係成功囉,我同你再講再解釋幾多都冇用,因為你哋立定決心屈我到底,上面嘅事實就係最終嘅事實,而以上嘅証明己經非常充份,但我仲有最終嘅証據,不過係要自保嘅証據,所以未到最後關頭唔會出!至此回應己經完畢,從今開始我唔識你哋,呢度亦唔歡迎你哋,我要安排搬新blog事宜,唔得閒同你哋顛,當然你哋可以繼續喺度留言、出証據,但係你哋表現唔會受到支持囉,同時唔好指意我一定會有回复,因為同你哋啲咁嘅人講嘢,映衰我自己!

請看:終極篇-善惡到頭終有報!
http://blog.yahoo.com/_AIJTCUABVJ56MSVGALLVUP2MBA/articles/1215522/index