Google+ Followers

2012年6月30日 星期六

漢民、謝志榮。漢民夜話

踏入七月,整個月將以"鬼書"為主題,打頭陣係港漫鬼故之皇漢民。
漢民自80年代起一路主力畫"怪異集"直至183期為止,因與"玉郎公司"在合約上未能達成協議結束賓主關係,自資成立"漢民出版社",第一套出品就係這套"漢民夜話",出"漢民夜話"係為咗與"怪異集"爭奪鬼書市場,可惜成績未如理想,"漢民夜話"只出咗14期便完結!
這套1988年出版比"天下畫集"還早一年嘅"漢民夜話"成為漢民封筆前嘅最後幾套鬼書之一(另外還有"漢民鬼古"、"漢民鬼世界"等),全套14本共收錄咗漢民23個鬼故,另外亦收錄唔少新秀作品,例如林焜祥係漢民助理之一,在這套書內亦有佢唔少短篇作品,同時亦有2篇謝志榮嘅鬼故作品。
這套書除了有漢民20多篇作品之除,最精彩吸引的尚有"漢民專欄",漢民除了大爆舊公司"貼頭"內幕之外,尚有登埋女兒玉照,可謂只此一次!加上此套書印量甚少,亦係漢民封筆前最後幾套作品之一,齊套收集難度甚高,故具有相當收藏價值!

漢民夜話全部23篇漢民作品一覧:

第一期:
鬼紅唇
古瓶
舊風扇

第二期:
背後的鬼魅
死去的婆婆
天外天

第三期:
屍旅之路
影城鬧鬼
叛教

第四期:
陰陽腦
空難

第五期:
食人邪童
魔鬼計上計

第六期:
摧腦焚身曲
續夢

第七期:
失頭

第八期:
瓜子練

第九期:
鬼借胎

第十期:
風鈴刼

第11期:
猛鬼的毒笑

第12期:
飄靈魅影

第13期:
寃鬼也移民

第14期:
嘩鬼迫人

漢民夜話2篇謝志榮作品:

人獸(第六期)
鬼辮子(第八期)


2012年6月27日 星期三

李志清。驚神、烈神

李志清早些年憑三國誌、孔子論語成為極少數港漫畫家成功打入日本市場者,成為"歷史漫畫家",更可以喺漫畫星光大道打手印......
其實我係比較鍾意佢啲初出道時嘅作品多啲,尤其是係"怪異集"同"猛鬼冤魂"內連載嘅鬼故作品,真係好正!佢畫鬼故事比起畫其他類型題材更勝一籌,只係依家再無鬼故類市場
而佢出道至今,除咗有大量短篇鬼故事連載於"怪異集"、"猛鬼冤魂"等書內之外,其後都出咗成180本個人作品,而且大部份都係成百多二百頁嘅精製書,所以佢啲嘢要儲都幾多下!
驚神、烈神係清兒較早少少喺90、91年時嘅簿裝單行本較神怪武俠式作品,題材與他其後嘅個人作品都很有些分別。

驚神,全套12本,1991年作品



2012年6月24日 星期日

上官小威(鐵三郎)。小浪子,勇拚天地雙邪

上官小威2亳細書時期用鐵三郎做筆名,亦出過一些類似黄玉郎啲"小"字系列書種,如"小浪子"、"小蛇王"等,
這兩本"小浪子"系列內亦有疑似王小虎、石黑龍、光頭星等人物!
另外,唔知儲開呢啲細書仔嘅朋友知唔知...其實若細心留意呢啲細書內頁,部份出版社會隱藏咗其總發行量數字在書內,例如這本"小浪子勇拚天地雙邪",總印制發行量為1萬3千2百本




2012年6月21日 星期四

上官小强的漫畫世界之:小流氓系列

上官小强未畫"壽星仔"之前出過無數嘅2毫子細書,若分門別類細分,就有好多個不同故事系列,
但上官小强啲書雖然係在下其中一個主要收集同儲存項目,亦都好難確定小强嘅細書究竟出過幾多本,而自己本身收藏嘅加上見過嘅都起碼不少於120種細書!
"小流氓"就係佢一個仿黄玉郎"小流氓"嘅一組書種,書內主角如小老虎、光頭星、四眼明,大家都該似曾認識!小强以"凌霄"及"陳小强"做筆名畫嘅四本"小流氓",若閣下係黃玉郎同上官小强嘅支持者,這套"小流氓"系列就不要錯過



2012年6月18日 星期一

上官玉郎。小傻仙三戲小惡仙

可能但凡改個上官乜乜就有銷量保証、會走紅,所以果時啲人咪個個一窩蜂改個上官氏去出書囉,上官小寶、上官思危、上官小龍、上官小威、上官小强、上官凌霄.....真係似乎個個都幾出名!
而今期"上官"系列第二擊係集"上官"與"玉郎"於一身嘅"上官玉郎",一睇就知係好"抄"得之人!佢老人家除咗出過"小魔神"之外,亦都畫埋"小傻仙"同"小惡仙",
所以盡管好多人都話佢畫功唔錯,但好可惜"抄"之餘卻未能自創一格,以至到後來成就始終未能如黃玉郎、漢民、上官小寶、上官小强....這些同期畫家般來得出名同持久!
不過依家佢啲書都比較少見,而且佢啲細裝書比佢啲橫版書有時更少見啲,這本細書特厚裝"小傻仙三戲小惡仙"都係幾少見嘅,全書有成70多頁,一期完晒,抵睇到極!



2012年6月15日 星期五

上官小寶、漢民。小雙邪/忘中有錯

小寶喺畫李小龍之前,都出過唔少作品,不過究竟出過幾多、都是些什麼內容?相信沒有幾人可以有呢啲資料或清單!
這本"小雙邪"之哭笑雙魔,也只是小寶細書中云云嘅一本,唯值得留意嘅,書中歹角"哭笑雙魔"一哭一笑與之後龍虎門嘅"哼哈二僕"頗為相似....
本書尚連載咗柳依依(漢民)嘅"忘中有錯",現時兩人均己封筆,所以這本由兩位畫壇高手構成嘅細書,己甚具紀念價值,更加特別嘅係;20多年之後,鬼故大師漢民嘅最後作品同合作伙伴,亦係鄺氏上官小寶!



2012年6月12日 星期二

赤石路代作品大全集part 1

赤石路代係邊個?相信凡睇開日漫嘅女讀者無人不識,係好耐好耐之前,TVB就播過佢套由漫畫改編嘅大熱卡通片"阿爾卑斯山玫瑰",港譯"雪嶺飄零"
佢嘅最早作品係幾時?我估計至少80年已經有佢嘅作品,我都係在80年代到開始儲佢啲作品一路直到今時今日,依家佢仲有新作品推出緊,台灣嘅"東立"同香港嘅"天下"都係赤石路代作品嘅主要中文出版者。
不難了解佢嘅作品有幾受歡迎,因為各大漫畫店除咗佢最新一套著作仲有得賣之外,其他舊作都己經絕晒版賣晒啦,如果手塚治虫有400本作品計,咁赤石路代到目前都有近150本作品了,以200頁一本日漫及女漫畫家產量來計,都算係幾誇張!
唔好以為赤石路代係女漫畫家就必定係畫愛情故事為主,我儲佢啲書除了因佢啲公仔得意之外,仲因為佢啲故事還會包含咗超現實、科幻、懸疑、詭異等元素,有說赤石路代喜歡看世界文學名著,故其作品沁入漫畫詩人嘅感覺!

魔光迷影,全套6本



2012年6月9日 星期六

手塚治虫大全集part 1

手塚治虫最早作品始於40年代,其作品廣泛影響咗後來嘅藤子F不二雄、藤子不二雄(多啦A夢叮噹作者)、石森章太郎(小露寶、鐵甲萬能俠作者)....而寺擇武一(哥布拉原作者)、三蒲見鶴(南瓜酒原作者)、坂口尚(一休和尚原作者)、小谷憲一(網球小子原作者)....都曾為手塚治虫助理。
手塚親自繪畫近400本著作共450個至700個獨立故事,須知日漫一本至少有成200頁,港漫一本得30頁,而要親自畫作400本份量嘅日漫,會是一個什麼境界?算唔算是"空前"?死後佢嘅未發表作品還在陸繼整理出版,會唔會係"絕後"?
"空前絕後",亦只有漫畫之神手塚治虫才配得起這四個字!
佢嘅漫畫題材廣泛、包羅萬象,兼且當中好多都具有警世教育意義,相反香港嘅漫畫9成9都係淨得打鬥再打鬥而無含任何意識或任何特別教育意義,所以都唔會有家長父母去鼓勵子女睇連環圖、買連環圖,這就是分別!
手塚治虫嘅漫畫版品有好多好多,其中香港"文化傳信"台灣"時報出版社"出得較齊較多,各聲稱出齊大全集,但照所見"文化傳信"好多均沒有出版,有些更是出到爛尾!又不依照原版而自製封面,但設計差劣、加上將貨就價紙質差容易變黃,如此賺快錢心態去搞漫畫出版,無語.....
所以比較上喜歡"時報"嘅版本多些,封面及規格畫一,有統一性,而"時報"版本嘅大全集比"文化傳信"版本早,也更齊全,故若要集齊手塚治虫大全集,必要混合台灣"時報"版+"文化傳信"版先至可網羅到9成手塚嘅作品!

神奇少年,1950年作品
少年誤入4度空間,有了停止時間能力。王風雷"暗黑冰火七重天"可以暫停時間,手塚60年前己經構思咗......



2012年6月6日 星期三

謝志榮。大將

大將係謝志榮90年作品,故事畫功同心機都做到足,不過由龍乘風出版嘅作品,好多都係爛尾收場,所以好難比人任何信心保証,這套"大將"亦唔例外,喺第七期大革新,以特大號加厚版、再邀請埋上官小强做顧問,亦不能力挽狂攔,也只能出至七期便爛尾,不過即使如此,"大將"仍是謝志榮較為出色嘅一套作品!



2012年6月2日 星期六

馬龍、利志達。血染的歷史、天安門之火畫集

這是一段被禁斷的歷史,這兩本在大陸肯定係被禁斷嘅漫畫,不知這個blog今日之後會否成為被禁斷嘅漫畫blog呢?!
這兩本都應該係作為港漫畫讀者必看嘅漫畫同畫集!
馬龍係有名嘅專畫政治、諷刺性漫畫,作品經常刋登在報章及雜誌內,所以即使未曾拜讀過佢嘅作品,都應該聽過他的名字吧。
馬龍"血染的歷史"將整個89民運始末過程詳盡清楚而簡潔咁介紹晒出黎,用漫畫嘅形式去表達出該段歷史史實,讓每個讀者都可以好易容直接明白整件事情始末,兼且有真實嘅照片去証明這次嘅慘劇(不過書內照片就再這裏刋登了)

好多朋友都說睇唔明利志達啲故事同作品,利志達"天安門之火",可能係少數絕對百份百睇得明嘅利志達作品,原因"天安門之火"乃由利志達將當年事件嘅多幅新聞圖片以人手繪畫而成畫集,經歷過這段歷史嘅所有人士,相信都會對其每一幅繪畫都有好深刻記憶!而6-4事件係每個中國人香港人近代最深刻嘅哀痛..............

馬龍"血染的歷史"